Amérika prézidénti barak obama ramzanning bashlinishida pütkül musulmanlardin hal soridi

Barak obama düshenbe küni bergen bayanatida, ramzan éyining islam kaléndarida muqeddes ay ikenlikini, bu ayda musulmanlarning yétim-yésir péqirlargha xeyri-saxawet körsitidighan yaxshi pezilitini medhiyilep, pütün dunya musulmanlirigha bext tilidi. Obama öz bayanida yene, ramzan mezgilide aqsarayda musulmanlar üchün iptar ziyapiti ötküzülidighanliqini bildürdi.

Amérikida yashawatqan Uyghurlar radi'omiz ziyaritini qobul qilip, obamaning ramizanliq tebrik bayanatidin tesirlen'genlikini bildürüsh bilen bille, Uyghurlarning dunya musulmanliridin perqliq halda, ramzan éyidiki roza tutush qatarliq perzlerni yillardin buyan her xil cheklime we nazaret ichide ada qilip kéliwatqanliqini tekitlidi.

Ziyaritimizni qobul qilghan Uyghurlar öz bayanlirida yene bu yil ramzanning harpisida qeshqerde yüz bergen weqedin kéyin, Uyghurlarning ramzan éyida téximu qattiq teqib astida élin'ghanliqidin epsuslinidighanliqini bildürdi we sherqiy türkistandiki Uyghur qérindashlargha ramizanliq salam yollidi.