Әркин асия радиоси қурулғанлиқиниң 12 йиллиқи тәбрикләнди

Әркин асия радиоси қурулғанлиқиниң 12 йиллиқи мунасивити билән, бүгүн радио залида тәбрикләш мурасими өткүзүлди. Радио қурулған 12 йилдин буян, ахбарат саһәсидә көп нәтиҗиләрни қолға кәлтүргән болуп, һазирға қәдәр нурғунлиған алтун, күмүш вә мис медалларға еришкән.
Мухбиримиз әқидә
2008-10-02
Share

Әркин асия радиосини өз ичигә алған, америка радио - ахбарат башқуруш идарисиниң, әркин асия радиосиға мәсул бөлүминиң башлиқи тәбрикләш мурасимида сөз қилип, нәтиҗиләрни муәййәнләштүрүш билән биргә 9 тилда аңлитиш беридиған бу радиониң, дуняға авази йәтмәйдиған хәлқләр үчүн хизмәт қиливатқанлиқини алаһидә тәкитлиди.

Мәзкур идарә башлиқи сөзидә, 1998 ‏ - йили 12 ‏ - айниң 15 ‏ - күни қурулған уйғур бөлүминиң зор нәтиҗилирини тилға елип, нөвәттә уйғурлар дуч келиватқан ечинишлиқ вәқәләр, болупму хитай һөкүмитиниң ишсиз әмгәкчиләрни орунлаштуруш баһанисида, уйғур яш қиз чоканларни хитайниң ичкири өлкилиригә йөткәш сиясити кәлтүрүп чиқарған ечнишлиқ вәқәләрни дуняға аңлитишта, уйғур бөлүмидики мухбирларниң зор тиришчанлиқ көрсәткәнликини оттуриға қойди.

Тәбрикләш мурасимида, радиода аңлитиш бериватқан 9 милләтниң миллийчә кийим - кечәклири, таамлири көргәзмә қилинди. Уйғур бөлүминиң хадимлири көркәм һәмдә өзгичә кийим - кечәклири шуниңдәк мәззилик йемәклири билән башқа бөлүм хадимлирини һәйран қалдурди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт