رۇسىيە ھىندىستانغا يادرو سۇئاستى ھەربىي پاراخوتلىرىنى ئىجارىگە بەرمەكچى

رۇسىيە ئۆزىنىڭ يادرو يېقىلغۇلۇق سۇئاستى ھەربىي پاراخوتلىرىنى ھىندىستانغا بىر نەچچە يىل ئىجارىگە بېرىدىغانلىقىنى ئۇقتۇرغان بولۇپ، رويتېرسنىڭ رۇسىيىدە چىقىدىغان ئىتات - تاسس ئاخباراتىدىن نەقىل ئېلىپ كۆرسىتىلىشىچە، بۇ خىل ئىجارىگە بېرىش كېلىشىمى رۇسىيە ھۆكۈمەت ئورگانلىرى تەرىپىدىن ئاشكارىلانغان.
ﻣﯘﺧﺒﯩﺮﯨﻤﯩﺰ ﺟﯜﻣﻪ
2008-12-15
ئېلخەت
پىكىر
Share
پرىنت

مەلۇم بولۇشىچە، رۇسىيە ھەربىي تېخنىكا ھەسسىدارلىق شىركىتىنىڭ پرېزىدېنتى مىخائىل دمىتىرىيېف رۇسىيىنىڭ يادرو يېقىلغۇلۇق ھەربىي سۇئاستى پاراخوتلىرىنىڭ ھىندىستانغا 10 يىللىق ئىجارىگە بېرىلىش مۇمكىنچىلىكىنىڭ ئىنتايىن يۇقىرى ئىكەنلىكىنى بىلدۈرگەن.

ئۇ يەنە، رۇسىيە ھەربىي سۇئاستى پاراخوتلىرىنى ھىندىستانغا ئىجارىگە بېرىش كېلىشىمنىڭ كەلگۈسىدىكى بىر نەچچە يىلدا ئەمەلگە ئاشىدىغانلىقىنى ئىلگىرى سۈرگەن.

مەلۇم بولۇشىچە، رۇسىيە " نېپرا " تىپلىق يادرو يېقىلغۇلۇق سۇئاستى پاراخوتلىرىنى ھىندىستانغا ئىجارىگە بەرمەكچى بولۇۋاتقان بولۇپ، بۇ پاراخوتلار 1980 ‏ - يىللاردىن بۇيان ھەربىي ۋەزىپىگە سېلىنغان.

شىمالى ئاتلانتىك ئەھدى تەشكىلاتى تەرىپىدىن "ئاكۇلا" دەپ ئاتىلىدىغان " نېپرا " تىپلىق سۇئاستى پاراخوتلىرى، سابىق سوۋېت ئىتتىپاقىنىڭ 971 ‏ قۇرۇلۇشىغا ۋەكىللىك قىلىدىغان بولۇپ، شۇ دەۋرىدە ياسالغان ھۇجۇمچى سۇئاستى پاراخوتىدۇر.
پىكىرلەر (0)
Share
تولۇق بەت