Rusiye kommunistliri sowét ittipaqini eslige keltürüshke ishenmekte

Moskwa échilghan pütün rusiye kompartiyisining 13 - qurultiyida kommunistlar qandaq qilghanda rusiyini iqtisadiy mesililerdin qutuldurush heqqide muzakiriler élip bardi.
Muxbirimiz ümidwar
2008-11-30
Share

Itartasning yézishiche, kompartiyining dahiysi zhuganof rusiye hökümitini qattiq tenqid qilip, putin hökümitining xelqqe köp wedilerni bergen bolsimu, lékin emeliyleshtürgenlirining azliqini körsetken hemde rusiyining igilik hoquqini barliq bedeller bilen qoghdash lazimliqini tekitligen.
 
Zhuganof yenila kompartiye ezalirini özgirishke teyyar bolush, waqti kelse qaytidin rusiye hakimiyitini qolgha élishqa ilhamlandurghan,  shuningdek kapitalizm haman yoqilidu, sotsiyalizm ghelibe qilidu, dégen nezeriyini ilgiri sürgen. Zhuganof dadilliq bilen sowét ittipaqining qayta tirilishi mumkinlikini tekitligen
 
Eyni waqitta sabiq rusiye prézidénti boris yéltsin kompartiyini qanunsiz dep élan qilghan hem kéyin uning pa'aliyitige yol qoyghan idi. Kompartiye rusiye parlaméntidiki muhim partiye bolsimu, biraq hakimiyetni igileshtin hazirche yiraq turmaqta.

Kompartiyining parlaménttiki ornimu töwenlep ketken. Kompartiye dahiysi zhuganof bir qanche qétim prézidént saylimigha qatniship, meghlup bolghan. Kompartiyige köpinche qérilar eza bolghan. Yéngi rusiye yashliri bolsa pütünley bashqa éqimda iken.

Bu qurultayda hetta kommunist rehberliri stalinni medhiyilep, bezi sheherlerning lénin'grad we stalin'grad dégen namlirini eslige keltürüsh lazimliqini tekitligen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet