Senlu guruhi resmiy yosunda weyran bolghanliqini jakarlidi

Zeherlik süt parashoki ishlepchiqirish tüpeyli 300 ming bowaqning késelge giriptar bolushini meydan'gha keltürgen senlu guruhi. Peyshenbe küni shirketning pütünley berbat bolghanliqini jakarlidi.
Muxbirimiz eqide
2009-02-12
Share

Xitay hökümitige tewe shinxu'a agéntliqining bildürüshiche, xébéy ölkisi, shiju'aju'ang shehiridiki ottura xelq sot mehkimisi, senlu guruhining 12 ‏ - ayda sot mehkimisige sun'ghan " shirketning weyran bolush tüpeyli ish toxtitish " iltimasini qobul qilghan.

Xitaydiki 22 shirket teripidin bazargha sélin'ghan süt parashokida zeherlik mélamin maddisi bayqalghan bolup, zeherlik süt parashokini istimal qilghan 300 bowaq késelge giriptar bolghandin sirt, az dégende 6 bowaq bu tüpeyli hayatidin ayrilghan idi.

Senlu guruhining bash dériktori tiyen wénxu'a bash jinayetchilerning biri süpitide muddetsiz qamaq jazasigha, shirketning yene 6 xadimi ayrim - ayrim 5 yildin 15 yilghiche bolghan qamaq jazasigha höküm qilindi.

Xitayda ishlepchiqirilghan dora we - yémekliklerde bayqalghan zeherlik maddilar seweblik meydan'gha kelgen hadisiler, kishilerde xitayning mehsulatlirigha bolghan ishenchni yoqitish bilen birge, xitay iqtisadining chöküshidiki tüp amillarning birige aylanmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet