شامىن گاڭزى زاۋۇتىنىڭ ئىشچىلىرى نارازىلىق نامايىشى ئېلىپ باردى

خوڭكوڭ دېموكراتىيە ۋە كىشىلىك ھوقۇق ئۇچۇر مەركىزىنىڭ بىلدۈرۈشىچە، خىتاينىڭ فۇجيەن ئۆلكىسى شامىن شەھىرىدىكى" يۇلتۇز ھەسسىدارلىق چەكلىك شىركىتى" يېقىندا ۋەيران بولغان بولۇپ، شىركەتكە تەۋە گاڭزى زاۋۇتىنىڭ نەچچە مىڭلىغان ئىشچىسى شىركەتتىن ئالالمىغان بىر قانچە ئايلىق مائاشىنى تەلەپ قىلىپ، نارازىلىق نامايىشى ئېلىپ بارغان.
ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩ
2008-10-30
Share

" يۇلتۇز ھەسسىدارلىق چەكلىك شىركىتى" قول ھۈنەر بۇيۇملىرى ئىشلەپچىقىرىدىغان خىتايدىكى چوڭ شىركەتلەردىن بىرى بولۇپ، شىركەت زاۋۇتىنىڭ 6 مىڭدىن ئارتۇق ئىشچىسى بار ئىدى. شامىن خەيگاڭ رايونلۇق ھۆكۈمەت خادىملىرى، تەيۋەننىڭ مەركىزى ئاگېنتلىقىغا شىركەتنىڭ ۋەيران بولغانلىقىنى ۋە بۇ سەۋەبتىن ئىشچىلارنىڭ كەڭ كۆلەمدە نارازىلىق نامايىشى ئېلىپ بارغانلىقىنى ئاشكارىلىغان.

بۇ ئارىدا، " گۇاڭجۇ گېزىتى" بۇ يىلنىڭ ئالدىنقى 9 ئېيىدا گۇئاڭدوڭدىكى ئېكىسپورت قىلىشنى ئاساس قىلغان 1300 ئويۇنچۇق زاۋۇتىنىڭ تاقىۋېتىلگەنلىكىنى بىلدۈرگەن.

سۈپەتسىز خىتاي مەھسۇلاتلىرىنىڭ دۇنيا سودا بازىرىدىكى سەتچىلىكلىرى تۈپەيلى، خىتاي مەھسۇلاتلىرىنى ئىمپورت قىلىدىغان دۆلەتلەر كۈندىن كۈنگە ئازايماقتا. بولۇپمۇ بالىلار ئويۇنچۇقىدا بايقالغان زەھەرلىك ماددىلار خىتايدىكى شىركەت ۋە زاۋۇتلارنىڭ تاقىلىپ كېتىشىگە سەۋەپ بولغان بولۇپ، ئىشسىزلارنىڭ نارازىلىق نامايىشلىرى نۆۋەتتە خىتاي ھۆكۈمىتىنى ئەندىشىگە سېلىۋاتقان مۇھىم ئامىللارنىڭ بىرى.


پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.