Шаңхәй шәһири деңиз йүзи өрләп кетиш тәһдитигә дуч келиду

Ройтерста хәвәр қилинишичә, хитайниң шаңхәй шәһири йәршари характерлик килимат өзгириши сәвәбидин пәйда болидиған деңиз йүзиниң өрләп кетиш һадисисиниң тәсиригә әң еғир учрайдиған шәһәрләрниң бири икән.
Мухбиримиз җүмә
2008-10-06
Share

Алимларниң тәтқиқат нәтиҗисигә қариғанда, йәршари характерлик иссип кетиш, шималий қутуптики муз окянларниң ерип кетишини тизлитип деңиз йүзиниң өрләп кетишини кәлтүрүп чиқиридикән.

Хәвәрдә хитай статистика университетидики деңиз окян геологийиси профессори ваң пиңшйәнниң ейтқанлирини нәқил елип көрситишичә, ваң деңиз йүзи өрләп кетиш һадисиниң дуня характерлик мәсилә икәнликини, әмма хитайниң деңиз бойиға җайлашқан шаңхәй вә тйәнҗин шәһәрлиридә көрүлүватқан йәр йүзи төвәнләп кетиш һадисиси түпәйли бу шәһәрләрниң деңиз йүзиниң өрләп кетиш тәһдитигә әң қаттиқ дуч келидиғанлиқини оттуриға қойған.

Шаңхәй шәһири хитайдики адәм әң зич олтурақлашқан, нопус әң көп шәһәрләрниң бири һәмдә хитайниң әң чоң иқтисади мәркизи болуп, шуниңға әгишип күнсайин көпийиватқан егиз биналар шаңхәйдики бәзи тиндуруп бина селинған сазлиқларниң олтуруп кетиш һадисисини кәлтүрүп чиқиришқа башлиған.

Шаңхәй шәһәр йүзиниң төвәнлишидә шәһәр тәрәққиятидин башқа йәнә йәр асти сүйини көп миқдарда тартишму асаслиқ рол ойниған болуп, мәлум болушичә, шаңхәй шәһири 1925 - йилдин 1965 йилғичә 1.76 Метир йәни йилиға 4 сантиметир чөккән.

Мәлум болушичә, һазирчә шаңхәйниң чөкүш тезлики муәййән дәриҗидә төвәнлитилгән болсиму әмма, хәвәрдә оттуриға қоюлишичә, мәзкур шәһәр һәр йили муәййән нисбәттә төвәнләп келиватқан болуп,2007 - йили 6.8 Миллиметир олтурушқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт