Shimaliy koriyining yadro sinaq qilishi xelq'arada qattiq naraziliq qozghidi
2013.02.12
Shimaliy koriyining yadro sinaq qilishi b d t teripidin cheklen'gen. Emma shimaliy koriyining buninggha qarimay sinaq qilishi xelq'araning qattiq tenqidige uchridi. Xewpsizlik kéngishi bügün bu mesile heqqide jiddiy yighin chaqirishni qarar qildi.
Amérika prézidénti barak obama shimaliy koriyining herikitini amérikining bixeterliki we dunyaning tinchliqigha qilin'ghan tehdit, dédi we shimaliy koriyige küchlük bir agahlandurush bérilishi kéreklikini tekitlidi.
Weqege shimaliy koriyining yéqin ittipaqdishi xitayning néme dep inkas qayturidighanliqi xelq'ara metbu'atlarning diqqitini qozghighan yene bir nuqta boldi. Fransiye agéntliqining xewiride éytilishiche, xitay tashqi ishlar ministirliqi özlirining sinaqqa qet'iy qarshi turidighanliqini bildürgen bolsimu, emma yenila shimaliy koriyini eyibleshtin we uninggha qarshi jaza tedbiri élishni tilgha élishtin özini qachurghan.
Yaponiye bash ministiri shinzo abé we jenubiy koriye prézidénti park gunxay shimaliy koriyini rayonning tinchliqigha tehdit qilish bilen qattiq eyiblidi.