Шималий корийиниң қошнилири һәрбий һазирлиқини күчәйтти

Шималий корийә йәр асти атом синиқи қилғанлиқини җакарлиғандин кейин, японийә вә җәнубий корийә һәрбий һазирлиқини күчәйтти.
Мухбиримиз җүмә
2013.02.13
Share on WhatsApp
Share on WhatsApp


юқириқи икки дөләт нөвәттә йәнә шималий корийиниң зади қандақ бомба синақ қилғанлиқини бекитиш үчүн,а шималий корийидин келидиған радиоактип зәрричиләрни көзитишкә башлиған.

Җәнубий корийә чаршәнбә күни һәрбий һошярлиқини өстүрүш үчүн “дәл тегиш дәриҗиси вә зәрбә бериш иқтидари әң юқири” башқурулидиған бомбилирини йөткигәнликини билдүрди.

Җәнубий корийә һәрбий даирилири йәнә, бу бомбиларниң “шималий корийидики һәр қандақ нишанға, һәр қандақ вақитта үнүмлүк зәрбә берәләйдиған” лиқини, нөвәттә башқурулидиған бомба йөткәш қәдимини йәниму тизлитидиғанлиқини билдүрди.

японийә даирилириму шималий корийә ядур синиқи қилғанлиқини җакарлиғандин кейинла һәрбий күрәшчи айропиланлирини һавадин радиоактип зәрричә өрнәклирини йиғишқа йолға салған иди.

японийә йәнә, өзиниң ғәрбий - шимал қирғиқиға көзитиш понкитлирини қуруп, шималий корийидин келидиған радиоактип зәрричиләрни топлашқа башлиған.

Шималий корийә 2006 - йилдин 2009 - йилиғичә плутонийдин ясалған атом бомбиси партлатқан. Нөвәттә ғәрб әллири шималий корийиниң урандин ясилидиған атом бомбиси ясиған - ясимиғанлиқи билиш тиришчанлиқини күчәйткән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.