خىتاي شىمالىي كورىيىنىڭ يادرو قوراللار تەكشۈرۈشىنى قوبۇل قىلىدىغانلىقىنى بىلدۈردى

ئامېرىكا ئاۋازى رادىئوسىنىڭ خەۋەر قىلىشىچە، خىتاينىڭ خەلقئارا يادرو قوراللار تەكشۈرۈش گۇرۇپپىسىدىكى خادىمى بۈگۈن شىمالىي كورىيىگە يەنە قايتىپ بارغان. شىمالىي كورىيىدە زىيارەتتە بولغان بىر ئامېرىكا ئەمەلدارىمۇ شىمالىي كورىيىنىڭ خەلقئارانىڭ يادرو قوراللىرى تەكشۈرۈشىنى قوبۇل قىلغانلىقىنى ئىلگىرى سۈرگەن.
مۇخبىرىمىز مېھرىبان
2010-12-21
Share

خىتاي باياناتچىسى جياڭ يۈ بۈگۈن بايانات بېرىپ، خىتاينىڭ شىمالىي كورىيىنىڭ خەلقئارا جەمئىيەتنىڭ يادرو قوراللار نازارىتىنى قوبۇل قىلىشىنى تەشەببۇس قىلىدىغانلىقىنى بىلدۈرگەن. جياڭ يۈ سۆزىدە يەنە شىمالىي كورىيىنىڭ يادرو قوراللىرى مەسىلىسىنىڭ ئامېرىكا، خىتاي، شىمالىي كورىيە، جەنۇبىي كورىيە، ياپونىيە ھەم رۇسىيە قاتارلىق 6 دۆلەتنىڭ ئورتاق سۆھبىتى ھەم تىرىشچانلىقى ئارقىلىق ھەل بولىدىغانلىقىنى ئىپادىلىگەن.

باشقا خەۋەرلەرگە قارىغاندا، جەنۇبىي كورىيە تۈنۈگۈن يەنپىڭ ئارىلىغا يېقىن جايدا ھېقىقى زەمبىرەك ئوقى ئېتىش مانېۋىرى ئېلىپ بارغاندىن كېيىن، شىمالىي كورىيە تەرەپ جەنۇبىي كورىيىنىڭ بۇ ھەرىكىتىگە قايتۇرما زەربە بەرمەيدىغانلىقىنى بىلدۈرگەن. رۇسىيە تەرەپ بولسا جەنۇبىي كورىيىنىڭ بۇ مانېۋىرىنىڭ كورىيە ئارىلى ۋەزىيىتىنى جىددىيلەشتۈرۈۋېتىشى مۇمكىنلىكىنى ئەسكەرتىپ، تەرەپلەرنى سوغۇققان بولۇشقا چاقىرغان ئىدى.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت