سومالىدىكى پارتلىتىش ھۇجۇمىدا 6 پارلامېنت ئەزاسى قاتارلىق 32 ئادەم ئۆلدى

تۈنۈگۈن سومالىدىكى ئەلشاباب تەشكىلاتىنىڭ ئىككى نەپەر ئەزاسى، سومالى پايتەختىدىكى بىر مېھمانخانىغا ھۇجۇم قىلغان. ھۇجۇمچىلار مېھمانخانىغا ساقچى كىيىمى بىلەن يېتىپ كېلىپ، مېھمانخانا مۇھاپىزەتچىلىرىنى ئېتىپ ئۆلتۈرگەن؛ ئاندىن مېھمانخانىنىڭ ئىچىدىكى رېستورانغا باستۇرۇپ كىرىپ، رېستوراندا ئولتۇرغانلارنى ئوققا تۇتقان، ئارقىدىن ھۇجۇمچىلاردىن بىرى بېلىدىكى بومبىنى پارتلاتقان.
ﻣﯘﺧﺒﯩﺮﯨﻤﯩﺰ ﺷﻮﻫﺮﻩﺕ ﻫﻮﺷﯘﺭ
2010.08.24

نەتىجىدە ۋەقەدە، 5 نەپەر بىخەتەرلىك ساقچىسى، 6 پارلامېنت ئەزاسى، 19 پۇقرا ۋە بىر كىچىك بالا بولۇپ، جەمئىي 32 كىشى ئۆلگەن.
 
ۋەقەدىن كېيىن ئەلشاباب تەشكىلاتى بايانات ئېلان قىلىپ، ۋەقەنىڭ جاۋابكارلىقىنى ئۈستىگە ئالغان. ئۇلار باياناتىدا، ۋەقەدە ھۇجۇمغا ئۇچرىغانلارنى دۈشمەن تەرەپنىڭ قول - چوماقلىرى دەپ كۆرسەتكەن.

ئەلشاباب تەشكىلاتى سومالىدىكى مەۋجۇت ھاكىمىيەتكە ۋە ئافرىقا بىرلىكىنىڭ سومالىدىكى ۋەزىپىسىگە قارشى قوراللىق كۈرەش قىلىۋاتقان بىر تەشكىلاتتۇر.
 
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.