Sudan we jenubiy sudan prézidéntliri talash-tartishni tügitishke pütüshti

Yéngidin musteqil bolghan jenubiy sudan prézidénti salwa kir sudan paytexti xartomda ikki kün resmiy ziyarette bolup, sudan prézidénti ömer el-béshir bilen körüshüp ikki dölet munasiwetliri heqqide söhbetliship, buningdin kéyin ikki dölet arisidiki talash-tartishlarni tügitishke pütüshti.
Muxbirimiz ümidwar
2011.10.09

Amérika awazining xewer qilishiche, 7-ayda jenubiy sudan musteqil dölet bolghandin kéyin, ikki terep chégrasidiki néfit rayonining teweliki mesilisi we néfit kirimini bölüshüsh téxi hel qilinmighan idi. Néfitliklerning köpinchisi jenubiy sudan teweside bolup, biraq jenubiy sudan néfit éksport qilmaqchi bolsa, yenila sudan'gha tayanmay mumkin emes iken.

Ikki prézidént birleshme komitét qurup, ikki terep arisida qayta urush keltürüp chiqirishi mumkin bolghan talash-tartishlarni hel qilishqa pütüshken. Biraq, ular konkrét layihilerni ashkarilimighan.

Musteqil bolghuchi bilen esli mustemlike qilghuchi ikki dölet prézidéntining bu qétim bir yerge kélip jiddiy mesililerni tinchliq bilen hel qilmaqchi bolghanliqi metbu'atlarning qiziqishini qozghighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.