Jenubiy sudan shenbe küni resmiy musteqilliq jakarlap tunji qétim dölet bayriqini chiqardi

Murasim jakarchisi: biz tolimu hayajanliniwatimiz. Pütün dunyaning bizning bu tentenimizge jor bolidighanliqini oylapmu baqmaptikenmiz, dédi.

Shenbe küni chüshe ötküzülgen musteqilliq jakarlash murasimigha jenubiy sundan xelqidin bashqa, b d t ning bash katipi ban kimun, amérikining sabiq dölet ishlar ministiri kolin pawél qatarliqlar qatnashni.

Jenubiy sudandiki qara tenlik qebililer otken 50 yilda shimaliy sudandiki ereblerni asas qilghan hökümet da'iriliri bilen ikki qétim ichki urush qilghan.

1983-Yilidin 2005-yilighiche dawam qilghan axirqi urushta 2 milyon ademning qaza qilghanliqi ilgiri sürülmekte. Jenubi sudan merkiziy sudan hökümiti bilen 2005-yili tinchliq kélishimi imzalighan we bu yilning béshida omum xelq ray sinash pa'aliyiti élip barghan. Ray sinashta mutleq köp sanliq adem musteqilliqni qollap bilen tashlighan idi.

Ömer el beshir prézidéntliqidiki sudan jumhuriyiti jenubta jenubiy sudan qebililiri bilen, shimalda darfur rayondiki az sanliq qebililer bilen köp qétim toqunushqan.

Jenubiy sudan mesilisi hel bolup musteqilliq jakarlighan bolsimu, shimaliy sudan yeni darfur mesilisi téxiche hel bolghini yoq.

Sudan prézidénti el beshir mezkur rayonlardiki herbiy yürüshliri seweblik xelq'ara sot teripidin irqiy qirghinchiliq bilen eyiblinip, tutush buyruqi chiqirilghan jinayetchige aylan'ghan.

2008-Yilidiki nopus tekshürüsh netijisige qarighan jenubiy sudanning omumiy nopusi 8 milyon 260 ming 490 bolup nöwette xelq'arada étirap qilin'ghan 193 dölet ichide 54-chong dölet bolup en'ge élinidiken.