Sudanda görüge tutulghan xitay ishchilardin yene biri tépildi

Xitayning sudandiki elchixanisining jüme küni élan qilishiche, sudan da'iriliri partizanlar teripidin ikki hepte burun görüge tutulghan sudandiki xitay néfit ishchiliridin yene birni "hayat" qutquziwalghan.
Muxbirimiz erkin
2008-10-31
Share

Xitayning sudandiki elchixanisi "hayat" tépilghan ishchini sudan da'irilirining tapqanliqi shundaqla özlirige tapshurup bergenlikini, ishchida oq yégenlik, yarilan'ghanliqning alamiti bayqalmighanliqini bildürgen.

Qoralliq kishiler 18 ‏ - öktebir küni sudanning jenubiy kordufan ölkisidiki néfit quduqida meshghulat élip bériwatqan xitay döletlik néfit shirkitining 9 neper' ishchisini görüge élip, xitay da'iriliridin sudandiki xitay shirketlirini élip chiqip kétishni telep qilghan idi.

Xitay hökümitining eskertishiche, sudan da'iriliri élip barghan görüdikilerni qutquzush herikitide 4 neper xitay ölgen, 3 xitay ishchi qutquzuwélin'ghan bolsimu, lékin yarilan'ghan idi. Bu qétim iz dérikini alalmighan ikki kishidin biri tépildi, lékin hayat - mamatliqi melum bolmighan yene birining iz - dériki qilinmaqta.

Xitayning sudandiki elchixanisi axirqi xitay ishchining iz - dérikini qiliwatqanliqi, sudan hökümiti bilen hemkarlishiwatqanliqini bildürgen. Görüge élish weqesidin kéyin sudan hökümiti darfur partizanlar etriti - adalet we barawerlik herikitini weqege jawabkar bolushi kérek, dep eyibligen, lékin mezkur teshkilat görüge élish weqesi bilen alaqisi barliqini ret qilghan idi.

Xitay uzundin béri sudan hökümiti bilen hemkarliship, sudan da'irilirining darfurdiki yerlik xelqlerge qaratqan qirghinchiliqigha hemshérik bolush bilen eyiblen'gen shundaqla xitay b d t xewpsizlik kéngishide amérikining darfurgha xelq'ara qoshun kirgüzüsh teklipige qarshi chiqqan.

B b s ning bu heqtiki bir programmisida xitayning b d t xewpsizlik kéngishining émbargo qararigha qarimay, sudan'gha éghir tipliq qorallarni satqanliqi ilgiri sürülgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet