ئىگىلىنىشىچە، سۈرىيىلىك ئۇچقۇچىنىڭ ئايروپىلانى بىلەن بىرلىكتە ئەسەد ھۆكۈمىتىدىن قېچىشى تۇنجى قېتىم كۆرۈلگەن ۋەقە بولۇپ، ئىسيانچىلار قۇرغان «مۇستەقىل سۈرىيە ئارمىيىسى» نىڭ باياناتچىسى ئەھمەد قاسىم بىرلەشمە ئاگېنتلىقىغا قىلغان سۆزىدە بۇ ئۇچقۇچىغا ئۆزلىرىنىڭ خىزمەت ئىشلىگەنلىكىنى ئېيتقان.
بۈگۈن يەنە رۇسىيىنىڭ بىر يۈك پاراخوتى سۈرىيىگە كېتىۋاتقاندا شوتلاندىيە تاموژنا دائىرىلىرى يول خېتىنى بىكار قىلغانلىقتىن سۈرىيىگە قاراتقان سەپىرىنى داۋام قىلالماي رۇسىيىگە قايتىپ كېتىشكە مەجبۇر بولغان.
فرانسىيە ئاگېنتلىقىنىڭ ئېيتىشىچە، روسىيە تاشقى ئىشلار مىنىستىرى سېرگىي لاۋرو بۇ پاراخوتتا سۈرىيىگە ئەۋەتىلگەن كۈرەشچى ئايروپىلان بارلىقىنى دەلىللىگەن.
سۈرىيىدە ھېلىھەم بومباردىمانلار داۋام قىلماقتا. خەلقئارا قىزىل كرېست جەمئىيىتى ئەزالىرى ھۇمۇستىكى بومباردىماندا يارىلانغانلارغا ياردەم قىلىش ئۈچۈن شەھەرگە كىرمەكچى بولغان بولسىمۇ، بومباردىمان سەۋەبلىك 10 كۈندىن بېرى شەھەرگە كىرەلمىگەن.
