Türkiye herbiy qisimliri süriye chégrasigha toplinishqa bashlidi

Süriye türkiyining F-4 belgilik urush ayropilanini étip chüshürüwetken kéyin türkiye inkas qayturup, herbiy qisimlirini süriye chégrasigha toplashqa bashlighan.
Muxbirimiz erkin
2012-06-29
Share

Türkiye axbarat wasitilirining xewer qilishiche, türkiye armiyisining bashqurulidighan bomba, tanka-bronéwik we topchi qisimliri türkiyining süriye chégra boyidiki reyhanli qatarliq rayonlargha toplinishqa bashlighan we türk herbiy qomandanliri chigrini közdin kechürüshke bashlighan.

Süriye türk urush ayropilanining süriye hawa boshluqigha kirgenlikini ilgiri sürüp, özining herikitini qanunluq mudapi'e, dep aqlighan bolsimu, biraq türkiye urush ayropilanining xelq'ara hawa boshluqida étip chüshürülgenlikini ilgiri sürüp, özining süriyige qaritilghan herbiy pozitsiyini özgertidighanliqini jakarlighan idi.

Bash ministir erdoghan, buningdin kéyin süriyining her qandaq herbiy éléménti türkiye chégrasigha yéqinlashsa, herbiy tehdit, dep qarilip yoqitilidighanliqini élan qilghan. Türkiye hökümiti herbiy qisimlarning süriye chégrasigha topliniwatqanliqini resmiy qanallar arqiliq élan qilmighan bolsimu, biraq türkiye dölet téléwiziye istansisi TRT hawa mudapi'e eslihelirini öz ichige alghan türk herbiy aptomobillirining hatay wilayitidiki süriye chégrasigha 50 kilométir kélidighan herbiy bazidin ayrilip, chégrasigha qarap kétiwatqanliqini xewer qildi.

B d t elchisi kofi annan aldinqi küni süriye toqunushidiki ikki terep wekillirini öz ichige alghan bir ötkünchi hökümet qurush pilanini otturigha qoyghan. Kofi annanning pilanida ötkünchi dewrge buzghunchiliq qilidu, dep qaralghan hökümet tereptin bashar esed qatarliq shexsler bilen öktichiler tereptin bezi kishiler sirtta qaldurulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet