Xitay süriyidiki isyanchilar arisida Uyghurlarningmu barliqini ilgiri sürdi

Xitayning yer shari waqti gézitining mezkur doklatqa asaslinip bayan qilishiche, che'ellerdiki Uyghur teshkilatliridin sherqi türkistan islam herikiti teshkilati bilen sherqi türkistan ma'arip we hemkarliq jem'iyiti ezalirini süriyige ewetip, esad hökümitige qarshi urushuwatqan jihatchilargha yardem bergen.

Xewerde yene, Uyghur jihadchilarning elqa'ide teshkilatining telimatigha asasen mezkur jengge qétilghanliqi tilgha élin'ghan.

Türkiyide pa'aliyet élip bériwatqan sherqi türkistan ma'arip we hemkarliq jem'iyitining re'isi hidayitulla oghuzxan, bügün bu heqte radi'omiz ziyaritini qobul qilip, özlirining mezkur jengge eza ewetkenlikini ret qildi؛ özlirining türkiyining qanunliri da'iriside pa'aliyet élip bériwatqan musteqil bir ammiwi teshkilat ikenlikini eskertken hidayitullah oghuzxan, süriye xelqining diktator hakimiyetke qarshi urushining heqqaniyliqinimu tilgha élip, zörür tépilghanda süriye xelqige bériliwatqan insaniy yardem pa'aliyetlirige qatnishishni sherep hés qilidighanliqini bildürdi.