Лахдар браһими, хитайни сүрийидики зораванлиққа хатимә бериштә актип рол ойнашқа чақирди

Б д т вә әрәб әллириниң сүрийә мәсилиси бойичә алаһидә әлчиси лахдар браһими хитайни зиярәт қилип, ташқи ишлар министири яң җйечи билән сөһбәт елип барди вә хитайни сүрийидики зораванлиққа хатимә бериштә актип рол ойнашқа чақирди.
Мухбиримиз әркин
2012-10-31
Share

Хитай б д т хәвпсизлик кеңишиниң әсәд һөкүмитини җазалаш һәққидики қарарлирини изчил рәт қилип кәлгән иди. Лахдар браһими чаршәнбә күни яң җйечи билән мухбирларни күтүвелип, мән сүрийидики вәқәниң һәл қилинишида хитайниң актип рол ойнишини үмид қилимән, дегән.

Бу браһиминиң йеқинқи 2 ай ичидә яң җйечи билән сүрийә мәсилисини 3‏-қетим музакирә қилиши. яң җйечи мухбирларға әскәртип, уларниң музакириси "өз-ара чүшәнчини алға сүрүш", "сүрийә мәсилисини мувапиқ бир тәрәп қилиш"қа түрткә болидиғанлиқини тәкитлигән. Хитай ташқи ишлар министирлиқи уларниң конкрет сөһбәт мәзмунини ашкарилимиди. Ташқи ишлар министирлиқи баянатчиси хуң лей хитайниң сияситини ақлап, униң сүрийидики тоқунушни сиясий йол билән һәл қилишта иҗабий вә актип рол ойнап келиватқанлиқини билдүргән.

Бирақ, хитайниң русийә билән бирлишип, б д т қарарлирини рәт қилиши кишилик һоқуқ тәшкилатлири, америка башчилиқидики ғәрб әллири вә сүрийә өктичилириниң қаттиқ тәнқидигә учриған. Лахдар браһим, хитайниң "йәршари вақти гезити", шәрқий түркистан ислам партийиси вә шәрқий түркистан маарип һәмкарлиқ җәмийитиниң сүрийигә уйғур җәңчилирини әвәтип, өктичи көчләрниң сепидә уруш қиливатқанлиқини илгири сүргән мәзгилдә бейҗиңни зиярәт қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт