Süriyide hakimiyet yürgüzüwatqan ba'as partiyisining 200 dek ezasi kolléktip istépa berdi

B b s ning xewer qilishiche, bu ezalarning istépa bérishige süriyide meydan'gha kelgen démokratik namayishlarda hazirghiche 450 din artuq kishining jan bergenliki asas seweb bolghan.

Tünügün süriye hökümiti süriyining jenubidiki dera shehiride weziyetni kontrol qilish üchün rayon'gha tankilarni yollighan. Sheherdin oq awazliri kelgenliki melum bolghan idi.

Birleshken döletler teshkilati bash sékrétari ban kimun süriye hökümitining namayishchilarni tanka we oq ishlitip basturush herikitini eyiblidi. Emma b d t xewpsizlik kéngishi charshenbe küni süriye mesilisi heqqide chaqirghan yighinda süriye hökümitige qarshi élan qilinidighan ortaq bayanname heqqide pikir birliki hasil qilalmighan.

Fransiye, en'gliye, gérmaniye we portugaliye teripidin teyyarlan'ghan qarar layihisi kéngeshtiki 15 eza döletning ichidiki bezilirining qarshiliqigha uchrighan.

Yawropa birliki döletliri we amérika layihini qollighan bolsimu, emma rusiye, xitay qatarliq döletler süriyining mesilisini söhbet yoli arqiliq özi hel qilishi kéreklikini, tashqi küchlerning buninggha arilishishining rayon weziyitige paydisizliqini ilgiri sürüp layihige qarshi chiqqan.

Jüme küni b d t insan heqliri komitéti prézidént beshar esadni öktichi guruppilarni basturushni derhal toxtitishqa chaqiridighan bir qarar layihisini awazgha qoyidu.