Хитайда сүт парашокида зәһәрләнгән вә өлгәнләргә бир милярд бир йүз милйон йүән төләм берилмәкчи

Хитайда меламин қошулған сүт парашоклирини ишләпчиқирип хитайда алтә бовақниң өлүшини, йәнә үч йүз миңдин артуқ бовақниң охшимиған дәриҗидә зәхмилинишини кәлтүрүп чиқарған вәқәгә четишлиқ сәнлу маркилиқ сүт парашоки гуруһини өз ичигә алған 22 кархана ‏ - завутниң, зәһәрләнгән бовақларға дәсләпки қәдәмдә бир милярд бир йүз милйон йүән төләм төлиши бекитилгән.
Мухбиримиз гүлчеһрә
2008-12-30
Share

Хитай сәһийә министирлики, бу мәсул карханилар, зәһәрлик сүт парашоклиридин зәһәрлинип өлгән бовақлар аилисигә 200 миң йүән, еғир кесәлләргә 30 миң йүән вә адәттики кесәл болған бовақларға икки миң йүәндин төләм бериши һәмдә уларниң 18 яшқичә болған мунасивәтлик давалиниш һәққини көтүрүши керәк дәп бәлгилигән.

Бу бәлгилимә буйичә төләм төләш 2009 - йили 1 - январдин башлап йүрүшләштүрүлидикән. Һазирғичә хитайда зәһәрлик сүт парашоклирини истимал қилғанлиқ сәвәбидин бөрикидә таш пәйда болған бовақлар 300 миңдин ашиду, өткән ай уйғур аптоном районлуқ медитсина университети биринчи дохтурханисида бөрәктин таш чүшүрүш оператсийиси қилинған йәттә йерим айлиқ бовақ муҗаһид, сәнлу маркилиқ бовақлар сүт парашокини ичип бөрикидә таш пәйда болған һәмдә әң кичик таш чүшүрүш оператсийиси қилинған бовақ һесаблиниду.

Хитай сақчи даирилири һазирға қәдәр зәһәрлик сүт парашокиға четишлиқ 74 адәмни тутуп турмақта, буларниң 32 си рәсмий қолға елинған. 26 ‏ - Декабирдин тартип бүгүнгә қәдәр хебе өлкиси шиҗаҗуаң шәһәрлик оттура сотта, сәнлу зәһәрлик сүт парашоки вәқәсигә даир йәни меламин қошулған сүт парашокиниң ишләпчиқирилиши, сетилиши, тарқитилишиға мәсул болған асаслиқ җинайәт гумандарлиридин 17 си үстидин сот ечилмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт