Tarim deryasining töwen éqinlirini su bilen teminlesh toxtaydu

Xitay axbaratlirida körsitilishiche, tarim derya bashqurush idarisi tarim deryasida körün'gen su miqdari töwenlesh sewebidin, ishlepchiqirishni su bilen teminleshni kapaletke ige qilish üchün, tarim deryasining töwen éqinlirini su bilen teminleshni toxtitidiken.
Muxbirimiz jüme
2008-11-03
Share

Shinxu'aning axbaratida körsitilishiche, bu yil tarim deryasida su miqdari yillardikige nisbeten bir qeder töwenligen bolup, netijide 2007 - yili öktebirdin buyan tarim deryasining töwen éqinlirida uda yette ay su üzülüp qalghan.

Xewerde tarim deryasining töwenki éqinlirigha su yétishmeslik hadisisi asasen, tarim derya wadisi we deryani su bilen teminleydighan tarmaq derya wadilirida köplep yer échish we pilansiz su ishlitishtin peyda bolghan dep körsitilgen.

Tarim deryasi Uyghur élidiki jümlidin dunyadiki eng uzun ichki quruqluq deryalarning biri bolup, omumiy uzunluqi 1321 kilométir. Ashkarilinishiche, tarim deryasining töwenki éqinidiki 320 kilométir bölikige 30 yildin béri su bérip baqmighan bolup, netijide derya wadisidiki tebi'iy yéshil karidor we nechche on ming géktar toghraqliq bara - bara qurup weyran bolghan.

Melum bolushiche, tarim deryasi töwenki éqimidiki ékologiyining buzulushi chang tozan yéghish we tupraqning qumlishishi qatarliq aqiwetlerni keltürüp chiqirishqa bashlighandin kéyin xitay hökümiti 2001 - yilidin buyan, derya ékologiyisini qutquzushqa meblegh ajritip, deryaning töwen éqinlirini su bilen teminleshni eslige keltürgen hemde hazirghiche 9 qétim su bergen iken.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet