Хитай һөкүмити уйғур елида йилиға 5 милярд куб метир тәбиий газ ишләпчиқиридиған завут қурмақчи

Хитай һөкүмити уйғур елигә көмүрдин йилиға 5 милярд куб метир тәбиий газ ишләпчиқиридиған завут қурушни тәстиқлиди. Ройтерста хәвәр қилишичә, бу һәқтики хәвәрләр хитайдики сода учурлири торида берилгән. Хәвәргә қариғанда, мәзкур завут йилиға 5 милярд 500 милйон куб метир тәбиий газ ишләпчиқиридикән. Завут уйғур елиниң ғулҗа шәһири ғулҗа наһийисигә қурулидикән.
Мухбиримиз җүмә
2010.08.02

Мәзкур қурулуш түригә ички моңғулға җайлашқан чиңхуа гуруһи мәбләғ салидиған болуп, қурулуш 2011 - йили башлинидикән.

Бу завут ишләпчиқарған тәбиий газлар " ғәрбниң газини шәрққә йөткәш туруба линийиси" арқилиқ хитайниң ички өлкилиригә йөткилидикән.

Хәвәрдә оттуриға қоюлушичә, мәзкур завут қурулуши үч қәдәмгә бөлүп елип берилидикән. Пилан бойичә завутта биринчи қәдәмдә 1 милярд 375 милйон куб метир тәбиий газ ишләпчиқирилидикән. Завутқа или вадисидики көмүрләр ишлитилидикән.

Мәзкур завутниң йәрликләрниң саламәтлики вә или вадисиниң тәбиий екологийилик муһитиға қандақ тәсир көрситидиғанлиқи һазирчә намәлум.

Хитай һөкүмити йеқинқи йиллардин уйғур елиниң тәбиий байлиқлирини қезиш қәдимини техиму тезләткән иди.
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.