26 - Iyun xelq'ara ten jazasigha uchrighanlar xatire künide xitayning siyasiy mehbuslarni qiynap iqrar qildurush qilmishi tenqidlendi

Bügün 26 - iyun xelq'ara ten jazasigha uchrighanlarni xatirilesh küni. Birleshken döletler teshkilati ten jazasini cheklesh komitéti 26 - iyun küni bu munasiwet türmilerdiki qiynap iqrar qildurush qatarliq jazalar bilen ten jazasigha uchrighanlar heqqide doklat élan qildi. Doklatta xitaydiki siyasiy mehbuslarni qiynap iqrar qildurush qilmishi alahide tilgha élinip, xitay hökümiti tenqidlendi.
Muxbirimiz méhriban
2012.06.26


Birleshken döletler teshkilatining “26 - Iyun ten jazasigha uchrighanlarni xatirilesh küni qarari” 1986 - yili 26 - iyun küni maqullan'ghan bolup, eyni chaghda qararni maqullap imza qoyghan 150 dölet ichide xitaymu bar idi. Emma, bu yillarda xelq'aradiki kishilik hoquq teshkilatliri élan qilip kelgen doklatlardin melum bolushiche, xitayda mehbuslarni qiynap soraq qilish ehwali üzlüksiz éghirlashqan. Bolupmu yéqinqi 10 yildin buyan xitaydiki siyasiy mehbuslar sani barghanche köpeygen bolup, xitayda siyasiy mehbuslargha qarita élip bériliwatqan her xil qiynash usulliri we mejburiy iqrar qildurush qilmishi kishilik hoquq teshkilatlirining diqqet nuqtisigha aylan'ghan.

Halbuki, xitayning Uyghur qatarliq milletlerge qaritilghan qattiq basturush siyasiyti seweblik Uyghur éli siyasiy mehbuslar eng köp rayonlarning birige aylan'ghan. Bu heqtiki tekshürüsh hem doklatlardin melum bolushiche, Uyghur élide siyasiy mehbuslarni qiynap iqrar qildurush, hetta soraq jeryanida urup öltürüwitish ehwalliri xitay buyiche eng éghir iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.