Тәйвән 8 нәпәр һәрбий хадимни хитай ишпийони дегән гуман билән қолға алди

Тәйвән дөләт мудапиә министирлиқиниң ашкарилишичә, тәйвәнниң бихәтәрлик тармақлири йеқинда илгири-кейин болуп 8 нәпәр юқири дәриҗилик дәм елишқа чиққан һәрбий хадимни хитай чоң қуруқлуқи үчүн җасуслуқ қилиш гумани билән қолға алған.
Мухбиримиз үмидвар
2012.10.29

“вашингтон почтиси” гезитиниң хәвәр қилишичә, қолға елинған офитсерларниң ичидә тәйвән деңиз армийиси һаварайи вә деңиз-окяншунаслиқ оргининиң сабиқ подполковник дәриҗилик командири җаң чишинму бар болуп, у узун мәзгил хитай чоң қуруқлуқини тәйвән су асти парахотлириниң йүрүш линийилириниң хәритиси һәмдә тәйвәнниң деңиз қирғақ районлириниң әһвали вә башқа мәхпий материяллар билән тәминлигән.

Әмма, тәйвән мудапиә министирлиқи мәтбуатларда пәйда болған җаң чишинниң мәзкур юқири һәрбий мәхпийәтликни қолға чүшүрүшигә аит учурларни инкар қилип, униң мундақ мәхпийәтликкә йеқинлишалмайдиғанлиқини билдүргән.

Мәлум болушичә, әгәр хитай тәрәп тәйвән су асти парахотлириниң һәрикәт йөнилиши һәмдә деңиз қирғақлиридики орунлаштурушлириға аит мәхпий учурларни билсә, уруш партлиған әһвал астида тәйвәнгә қаттиқ зәрбә берәләйдикән.

Тәйвән билән чоң қуруқлуқ мунасивәтлиридә аммиви йосунда яхшилиниш болсиму, әмма һәрбий тәһдит йәнила мәвҗут болуп, икки тәрәпниң җасуслуқ һәрикәтлири арқилиқ бир-бирини көзитиватқанлиқи сир әмәс.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.