Teywen 8 neper herbiy xadimni xitay ishpiyoni dégen guman bilen qolgha aldi

Teywen dölet mudapi'e ministirliqining ashkarilishiche, teywenning bixeterlik tarmaqliri yéqinda ilgiri-kéyin bolup 8 neper yuqiri derijilik dem élishqa chiqqan herbiy xadimni xitay chong quruqluqi üchün jasusluq qilish gumani bilen qolgha alghan.
Muxbirimiz ümidwar
2012.10.29

“Washin'gton pochtisi” gézitining xewer qilishiche, qolgha élin'ghan ofitsérlarning ichide teywen déngiz armiyisi hawarayi we déngiz-okyanshunasliq orginining sabiq podpolkownik derijilik komandiri jang chishinmu bar bolup, u uzun mezgil xitay chong quruqluqini teywen su asti paraxotlirining yürüsh liniyilirining xeritisi hemde teywenning déngiz qirghaq rayonlirining ehwali we bashqa mexpiy matériyallar bilen teminligen.

Emma, teywen mudapi'e ministirliqi metbu'atlarda peyda bolghan jang chishinning mezkur yuqiri herbiy mexpiyetlikni qolgha chüshürüshige a'it uchurlarni inkar qilip, uning mundaq mexpiyetlikke yéqinlishalmaydighanliqini bildürgen.

Melum bolushiche, eger xitay terep teywen su asti paraxotlirining heriket yönilishi hemde déngiz qirghaqliridiki orunlashturushlirigha a'it mexpiy uchurlarni bilse, urush partlighan ehwal astida teywen'ge qattiq zerbe béreleydiken.

Teywen bilen chong quruqluq munasiwetliride ammiwi yosunda yaxshilinish bolsimu, emma herbiy tehdit yenila mewjut bolup, ikki terepning jasusluq heriketliri arqiliq bir-birini közitiwatqanliqi sir emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.