تەيۋەندە ھۆكۈمەتنىڭ خىتايغا قاراتقان سىياسىتىگە نارازىلىق نامايىشى ئۆتكۈزۈلمەكچى

تەيۋەننىڭ مۇستەقىللىقىنى قوللايدىغان تەيۋەن دېموكراتىيە ۋە تەرەققىيات پارتىيىسى، تەيۋەن ھۆكۈمىتىنىڭ خىتايغا قاراتقان يۇمشاق سىياسىتىگە نارازىلىق بىلدۈرۈش ئۈچۈن، كېلەر ھەپتە تەيبېيدە كەڭ كۆلەملىك بىر نارازىلىق نامايىشى ئۆتكۈزۈشنى پىلانلىماقتا. نامايىشقا تەيۋەننىڭ سابىق پرېزىدېنتى چىن شۈيبىيەنمۇ قاتنىشىدىكەن.
مۇخبىرىمىز ئۆمەر قانات
2008.10.18

تەيۋەن دېموكراتىيە ۋە تەرەققىيات پارتىيىسىنىڭ رەھبەرلىرى، تەيۋەن پرېزىدېنتى مايىڭجۇ ھۆكۈمىتىنىڭ نۆۋەتتە خىتايغا قاراتقان سىياسىتىنىڭ تەيۋەننىڭ مىللىي ئىگىلىك ھوقۇقى ۋە بىخەتەرلىكىگە تەھدىت قىلىشقا باشلىغانلىقىنى تەكىتلىمەكتە. ئۇلار شۇنداقلا بېيجىڭ ھۆكۈمىتىنىڭ تەيۋەن مەسىلىسىدىكى ئالاھىدە ۋەكىلى چىن يۇنلىننىڭ تەيۋەننى زىيارەت قىلىشىغا قارشى ئىكەنلىكىنى بىلدۈرمەكتە.

شەنبە كۈنى تەيۋەننىڭ جەنۇبىي رايونىغا جايلاشقان چايي ناھىيىسىدە ئۆتكۈزۈلگەن بىر يىغىلىشقا قاتناشقان تەيۋەننىڭ سابىق پرېزىدېنتى چىن شۈيبىيەن، تەيۋەن دېموكراتىيە ۋە تەرەققىيات پارتىيىسى تەرىپىدىن ئۆتكۈزۈلىدىغان نارازىلىق نامايىشىغا قاتنىشىدىغانلىقىنى تەكىتلەش بىلەن بىرگە، بېيجىڭ ھۆكۈمىتىنىڭ تەيۋەن مەسىلىسىدىكى ئالاھىدە ۋەكىلى چەن يۇنلىننى تەيۋەننى زىيارەت قىلىش پىلانىنى بىكار قىلىشقا چاقىرغان.

فرانسىيە ئاگېنتلىقىنىڭ خەۋەر قىلىشىچە، چىن شۈيبىيەن يىغىلىشتا بەرگەن باياناتىدا، "چەن يۇنلىندىن تەيۋەنگە كەلمەسلىكىنى تەلەپ قىلىمەن" دېگەن.
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.