Тәйвән демократийә вә илғарлиқ партиси, чән юнлинниң зияритигә наразилиқ намайишлири тәшкилләшкә тәйярланмақта

Тәйвән демократийә вә илғарлиқ партиси вә тәйвәнниң мустәқиллиқини қоллайдиған тәшкилат вә гуруппилар, келәр һәптә тәйвәнни зиярәт қилишқа башлайдиған хитайниң "икки тәрәп" мунасивәтлири җәмийитиниң рәиси чән юнлин риясәтчилигидики хитай вәкилләр өмикиниң тәйвәнни зиярәт қилишиға қарши туруш үчүн кәң көләмлик наразилиқ намайишлири тәшкилләшкә тәйярланмақта.
Мухбиримиз өмәр қанат
2008-11-01
Share

Тәйвән демократийә вә илғарлиқ партиси чән юнлинни дағдуғилиқ намайишлар билән қарши алидиғанлиқини җакарлиди. Тәйвәнниң мустәқиллиқини қоллайдиған шималий тәйвән җәмийити болса, хитай вәкилләр өмикигә сесиқ тухум атқан намайишчиларға атқан һәр тухуми үчүн пул беридиғанлиқини билдүрди.

Америка бирләшмә агентлиқиниң тәйбидин хәвәр қилишичә, шималий тәйвән җәмийитиниң муавин рәиси мичил ваң шәнбә күни мухбирларға бәргән баянатида, хитай вәкилләр өмикиниң рәиси чән юнлинниң бәдинигә тәккән һәр бир сесиқ тухум үчүн 30 америка доллири вә атқан тухумини чәнниң йүзигә тәккүзәлигән һәр бир намайишчиға 300 америка доллири мукапат беридиғанлиқини җакарлиған.

Дүшәнбә күни тәйвән зияритини башлайдиған хитайниң тәйвән мунасивәтлири җәмийитиниң рәиси чән юнлин, 1949 йилидин бери тәйвәнни зиярәт қилған хитайниң әң юқири дәриҗилик һөкүмәт вәкили һесаблинидикән.

Тәйвәндә хитай вәкилләр өмикиниң зияритигә қарши наразилиқ намайишлири аллиқачан башлиған болуп, шәнбә күни онлиған киши тәйвән президенти ма йиңҗуниң тәйвәнниң мәркизи райониға җайлашқан чаңгав наһийисини зиярити җәрянида намайиш өткүзүп, хитайға қаратқан юмшақ сиясити түпәйлидин уни вәзиписидин истипа беришкә чақирған.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт