Teywen démokratiye we ilgharliq partisi, chen yunlinning ziyaritige naraziliq namayishliri teshkilleshke teyyarlanmaqta

Teywen démokratiye we ilgharliq partisi we teywenning musteqilliqini qollaydighan teshkilat we guruppilar, kéler hepte teywenni ziyaret qilishqa bashlaydighan xitayning "ikki terep" munasiwetliri jem'iyitining re'isi chen yunlin riyasetchiligidiki xitay wekiller ömikining teywenni ziyaret qilishigha qarshi turush üchün keng kölemlik naraziliq namayishliri teshkilleshke teyyarlanmaqta.
Muxbirimiz ömer qanat
2008-11-01
Share

Teywen démokratiye we ilgharliq partisi chen yunlinni daghdughiliq namayishlar bilen qarshi alidighanliqini jakarlidi. Teywenning musteqilliqini qollaydighan shimaliy teywen jem'iyiti bolsa, xitay wekiller ömikige sésiq tuxum atqan namayishchilargha atqan her tuxumi üchün pul béridighanliqini bildürdi.

Amérika birleshme agéntliqining teybidin xewer qilishiche, shimaliy teywen jem'iyitining mu'awin re'isi michil wang shenbe küni muxbirlargha bergen bayanatida, xitay wekiller ömikining re'isi chen yunlinning bedinige tekken her bir sésiq tuxum üchün 30 amérika dolliri we atqan tuxumini chenning yüzige tekküzeligen her bir namayishchigha 300 amérika dolliri mukapat béridighanliqini jakarlighan.

Düshenbe küni teywen ziyaritini bashlaydighan xitayning teywen munasiwetliri jem'iyitining re'isi chen yunlin, 1949 yilidin béri teywenni ziyaret qilghan xitayning eng yuqiri derijilik hökümet wekili hésablinidiken.

Teywende xitay wekiller ömikining ziyaritige qarshi naraziliq namayishliri alliqachan bashlighan bolup, shenbe küni onlighan kishi teywen prézidénti ma yingjuning teywenning merkizi rayonigha jaylashqan changgaw nahiyisini ziyariti jeryanida namayish ötküzüp, xitaygha qaratqan yumshaq siyasiti tüpeylidin uni wezipisidin istipa bérishke chaqirghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet