Хитай даирилири тиз пойиз вәқәсигә алақидар дәлил-испатларни йошурғанлиқини рәт қилди

Хитай даирилири өткән һәптә йүз берип, 40 адәмниң өлгәнлики илгири сүрүлгән тиз пойиз вәқәсигә алақидар дәлил-испатларни йошурғанлиқини рәт қилди.
Мухбиримиз җүмә
2011-07-30
Share

Вәқә 23-июл йүз бәргән болуп, вәқәдин кейин даирилири вәқәдә аран 18 адәмниң өлгәнлики, бир нәччә пойиз вагонниң көврүктин чүшүп кәткәнликини, яриланған адәм саниниң интайин аз икәнликини хәвәр қилған.

Һалбуки өткән һәптидин хитай интернет саһәсидә бу һәқтә муназириләр күчәйгән вә һәтта безиләр хитай даирилириниң чүшүп кәткән пойиз вагонини көмүвәткәнликини хәвәр қилишқан иди.

Шинхуа агентлиқи бүгүн елан қилған бу һәқтики хәвиридә һадисидә бузулған пойиз вагонлириниң көмүветилгәнликигә аит хәвәрни рәт қилди.

Хәвәрдә нәқил қилишичә, төмүрйол министирлиқидики бир намәлум хадим"вәқәни бир тәрәп қилиш җәрянида вагон көмүш вә дәлил-испатларни бузуветишкә охшаш ишларниң садир болмиғанлиқи" ни билдүргән.

Мәзкур тиз сүрәтлик пойиз вәқәси хитай тиз сүрәтлик пойиз техникисида "алдинқи қатарға өткән" ликини көз-көз қиливатқан мәзгилдә йүз бәргән иди.

Нөвәттә даириләрниң вәқәдә қазаға учурғучиларға төләм пулини бир һәссә ашуруп беришни қарар қилғанлиқи илгири сүрүлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт