59 Tibetlik ösek söz tarqatti dégen jinayet bilen qolgha élin'ghan

Xitay da'iriliri 59 tibetlikni ösek söz tarqatti dégen jinayet bile qolgha alghan bolup, roytérsta xitay axbaratliridin neqil élip körsitishiche, bu tibetlerge jem'iyet amanliqini buzidighan naxshilarni tarqatqan dégendek jinayetler artilghan.
Muxbirimiz jüme
2008.12.25

Xewerde körsitishiche, mezkur tibetler tibetlerning rohani dahiysi dalay lamaning tesirini qobul qilghan we intérnéttin kishilerning idiyisini zeherleydighan naxshilarni chüshürüp tarqatqan dep eyiblen'gen.

Xewerde neqil qilinishche, xitay axbaratlirida bu yil martta tibette yüz bergen topilangdin kéyin bezi kishiler dalay lama guruhining tesiri astida "qesten ösek soz tarqitip milliy héssiyatni ghidiqlap, kishilik we dölet bixeterlikige tehdit salmaqta" dep körsitilgen.

Melum bolushiche, nöwette xitay saqchiliri bu xildiki naxshilarni köchürüp satqan kishilerni tutush uchun lxasa shehiridiki bazar - restiler ni tekshürüshke bashlighan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.