Токйодики хитай әлчиханиси алдида зор көләмлик намайиш өткүзүлди

Намайишқа 4-нөвәтлик қурултийиға иштирак қиливатқан 120 вәкилдин сирт, япон парламентиниң бир қисим вәкиллири вә уйғур мәсилисигә көңүл бөлидиған япон достлардин болуп җәмий 500 дин артуқ киши қатнашти.

Намайишчилар қоллирида ай-юлтузлуқ көк байрақларни, уйғурларға демократийә вә әркинлик тәләп қилидиған лозункиларни вә шундақла 5-июл вә униң алди ‏-кәйнидә қолға елинип түрмиләрдә йетиватқан уйғурларниң рәсимлирини көтүрүвалған болуп, бу зор намайишчилар қошуни япон сақчилириниң қоғдиши астида хитай әлчиханисиға барғичә токйо кочилирида шоар товлап маңди. Дуня уйғур қурултийиниң рәиси рабийә қадир ханим әлчихана алдида нутуқ сөзлиди.

Намайишқа япон хәлқи вә мухбирлар алаһидә әһмийәт бәргән болуп, һәрқайси ахбарат органлириниң мухбирлири намайишини нәқ мәйдандин хәвәр қилди.

Буниң билән, дуня уйғур қурултийиниң 4-нөвәтлик йиғини ғәлибилик аяғлашқан болди. Әтидин башлап, вәкилләрни демократийә бойичә тәрбийиләш курси башлиниду.