Tokyodiki xitay elchixanisi aldida zor kölemlik namayish ötküzüldi

Peyshenbe küni yaponiyining paytexti tokyodiki xitay elchixanisining aldida xitaygha naraziliq bildürüsh namayishi ötküzüldi.
Muxbirimiz méhriban
2012-05-17
Élxet
Pikir
Share
Print

Namayishqa 4-nöwetlik qurultiyigha ishtirak qiliwatqan 120 wekildin sirt, yapon parlaméntining bir qisim wekilliri we Uyghur mesilisige köngül bölidighan yapon dostlardin bolup jem'iy 500 din artuq kishi qatnashti.

Namayishchilar qollirida ay-yultuzluq kök bayraqlarni, Uyghurlargha démokratiye we erkinlik telep qilidighan lozunkilarni we shundaqla 5-iyul we uning aldi ‏-keynide qolgha élinip türmilerde yétiwatqan Uyghurlarning resimlirini kötürüwalghan bolup, bu zor namayishchilar qoshuni yapon saqchilirining qoghdishi astida xitay elchixanisigha barghiche tokyo kochilirida sho'ar towlap mangdi. Dunya Uyghur qurultiyining re'isi rabiye qadir xanim elchixana aldida nutuq sözlidi.

Namayishqa yapon xelqi we muxbirlar alahide ehmiyet bergen bolup, herqaysi axbarat organlirining muxbirliri namayishini neq meydandin xewer qildi.

Buning bilen, dunya Uyghur qurultiyining 4-nöwetlik yighini ghelibilik ayaghlashqan boldi. Etidin bashlap, wekillerni démokratiye boyiche terbiyilesh kursi bashlinidu.

Toluq bet