Nöwette Uyghur élidiki tömür rudisi barghanche azaymaqta iken
Muxbirimiz jüme
2012.05.05
2012.05.05
Xitaydin chiqidighan “Polat öy” namliq torda körsitishiche, ürümchi 1 - awghust polat - tömür zawuti xelq'araliq soda shirkitining bash diréktori chén shyang : rayondiki ruda zapisi kemchillik mesilisidin saqlan'ghini bolmaydu, dégen.
Melum bolushiche, Uyghur élide bayqalghan tömür rudisi zapisi 1milyard 190 milyon tonna etrapida bolup, tömür ruda kemchiliki Uyghur élide yerlishiwatqan polat zawutlirining köpiyishige egiship éshishqa bashlighan.
Xewerde körsitishiche, xitaydiki chong pola zawutlirining köpinchisi Uyghur élide herxil qurulushlarni élip bériwatqan bolup, nöwette bu qurulushlarning yilliq omumiy mehsulat qimmiti 60 milyon tonnigha yétidiken.
Xitayning gherbni échish siyasiti yolgha qoyulghandin buyan, Uyghur élidiki néfit tebi'iy gaz, tömür we bashqa tebi'iy bayliqlarni échilish qedimini hessilep ashurulghan idi.