تۈرك - گرېك مۇناسىۋەتلىرى ئەزەلدىن جىددىي بولۇپ كەلگەن ئىدى. مەزكۇر دۆلەتلەر ئارىسىدا 1974 - يىلى ۋە 1996 - يىلى ئارىسىدا سۈركىلىشلەر ئەڭ ئېغىرلاشقان بولۇپ، ئۇرۇش پارتلاش دەرىجىسىگە بېرىپ يەتكەن ئىدى.
گرېتسىيە باش مىنىستىرى گېئورگې پاپاندرېئو رەجەپ تايىپ ئەردوغاننىڭ گرېتسىيە زىيارىتىدىن خۇرسەن بولغانلىقى بىلدۈردى.
فرانسىيە ئاگېنتلىقىنىڭ نەقىل قىلىشىچە، تۈركىيە باش مىنىستىرى رەجەپ تايىپ ئەردوغان گرېتسىيىنىڭ تانېئا گېزىتىگە "تۈرۈك - گرېك مۇناسىۋەتلىرىنى ئىلگىرى سۈرۈش ئىككى دۆلەت ئارىسىدا ئىشەنچ ۋە مۇقىملىق مۇھىتى بەرپا قىلىدۇ ۋە نەتىجىدە ھەربىي ھازىرلىقلار كېڭەيمىچىلىكىنىڭ ئالدىنى ئالىدۇ" دېگەن.
گرېتسىيە تەرەپمۇ ئوخشاش قاراشنى ئىلگىرى سۈرگەن. مەلۇم بولۇشىچە، گرېتسىيە بۇ يىل ھەربىي خام چوتىنى 25 پىرسەنت قىسقارتىدىغانلىقىنى بىلدۈرگەن.
مەلۇم بولۇشىچە، ئىككى تەرەپ مىنىستىرلىرى، ئىقتىسادىي ھەمكارلىق، ساياھەت ئىشلىرىنى ئىلگىرى سۈرۈشكە ئالاقىدار 21 تۈرلۈك كېلىشىم تۈزگەن.