' تۈركىي تىللار دىۋانى' نىڭ يېڭى نۇسخىسى نەشىر قىلىندى

11 - ئەسىردە ئۆتكەن بۈيۈك ئۇيغۇر ئالىمى مەھمۇت قەشقەرىنىڭ "تۈركىي تىللار دىۋانى" ناملىق ئەسىرى 1980 - 1984 - يىللىرى ئۈچ توم بولۇپ نەشىر قىلىنىپ، 25 يىل ئۆتكەندىن كېيىن، مەزكۇر ئەسەرنى قايتا نەشىر قىلىش خىزمىتى قولغا ئېلىنىپ ئۈچ يىلغا يېقىن ۋاقىت ئىشلەش ئارقىلىق ئاخىرى ئىككىنچى نەشىرى شىنجاڭ خەلق نەشىرىياتى تەرىپىدىن يورۇقلۇققا چىققان. ئىگىلىشىمىزچە، بۇ قېتىمقى نەشرى بىر قەدەر مۇكەممەل بولۇپ ھېسابلىنىدىكەن.
مۇخبىرىمىز ئۈمىدۋار
2008-12-07
Share

"دىۋان" نىڭ بۇ قېتىمقى يېڭى نەشىرىنى ئىشلەشكە ئىلگىرى بۇ ئەسەرنىڭ ئۇيغۇرچە تۇنجى نەشىرىنى مەيدانغا چىقىرىشقا قاتناشقان پېشقەدەم ئالىملاردىن ئىمىن تۇرسۇن، مىرسۇلتان ئوسمانوف ۋە سابىت روزى قاتارلىق ئۈچ نەپەر مۇتەخەسسىسنى تەكلىپ قىلىنىپ، ئۇنىڭغا يەنە زۆرۈر بولغان ياش ئالىملارنى قوشۇپ بىر گۇرۇپپا تەشكىللىگەن.

"دىۋان" نىڭ ئۇيغۇرچە يېڭى نەشرى تېكست، ئىندېكس ۋە فاكسىمىل بىرلىكتە نەشر قىلىنغان مۇكەممەل نۇسخا بولدى. "دىۋان" نىڭ يېڭى نەشرى پەقەت 1000 نۇسخىلا بېسىپ چىقىرىلغان بولۇپ، تۇنجى نەشرى 10 مىڭ تىراژ بولغان ئىدى.
 
نۆۋەتتە، "تۈركىي تىللار دىۋانى" نىڭ ئۇيغۇرچە، ئىنگلىزچە، تۈركچە، ئۆزبېكچە ۋە رۇسچە نۇسخىلىرى بار بولۇپ، بۇلارنىڭ ئىچىدە ئۇيغۇرچە، ئىنگلىزچە ۋە تۈركچە نۇسخىلىرى بىر قەدەر ئىلمىي ھەم سۈپەتلىك بولۇپ ھېسابلىنىدۇ.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت