' Түркий тиллар дивани' ниң йеңи нусхиси нәшир қилинди

11 - Әсирдә өткән бүйүк уйғур алими мәһмут қәшқәриниң "түркий тиллар дивани" намлиқ әсири 1980 - 1984 - йиллири үч том болуп нәшир қилинип, 25 йил өткәндин кейин, мәзкур әсәрни қайта нәшир қилиш хизмити қолға елинип үч йилға йеқин вақит ишләш арқилиқ ахири иккинчи нәшири шинҗаң хәлқ нәширияти тәрипидин йоруқлуққа чиққан. Игилишимизчә, бу қетимқи нәшри бир қәдәр мукәммәл болуп һесаблинидикән.
Мухбиримиз үмидвар
2008-12-07
Елхәт
Пикир
Share
Принт

"Диван" ниң бу қетимқи йеңи нәширини ишләшкә илгири бу әсәрниң уйғурчә тунҗи нәширини мәйданға чиқиришқа қатнашқан пешқәдәм алимлардин имин турсун, мирсултан османоф вә сабит рози қатарлиқ үч нәпәр мутәхәссисни тәклип қилинип, униңға йәнә зөрүр болған яш алимларни қошуп бир гуруппа тәшкиллигән.

"Диван" ниң уйғурчә йеңи нәшри текст, индекс вә факсимил бирликтә нәшр қилинған мукәммәл нусха болди. "Диван" ниң йеңи нәшри пәқәт 1000 нусхила бесип чиқирилған болуп, тунҗи нәшри 10 миң тираж болған иди.
 
Нөвәттә, "түркий тиллар дивани" ниң уйғурчә, инглизчә, түркчә, өзбекчә вә русчә нусхилири бар болуп, буларниң ичидә уйғурчә, инглизчә вә түркчә нусхилири бир қәдәр илмий һәм сүпәтлик болуп һесаблиниду.

Пикирләр (0)
Share
Толуқ бәт