' Türkiy tillar diwani' ning yéngi nusxisi neshir qilindi

11 - Esirde ötken büyük Uyghur alimi mehmut qeshqerining "türkiy tillar diwani" namliq esiri 1980 - 1984 - yilliri üch tom bolup neshir qilinip, 25 yil ötkendin kéyin, mezkur eserni qayta neshir qilish xizmiti qolgha élinip üch yilgha yéqin waqit ishlesh arqiliq axiri ikkinchi neshiri shinjang xelq neshiriyati teripidin yoruqluqqa chiqqan. Igilishimizche, bu qétimqi neshri bir qeder mukemmel bolup hésablinidiken.
Muxbirimiz ümidwar
2008-12-07
Share

"Diwan" ning bu qétimqi yéngi neshirini ishleshke ilgiri bu eserning Uyghurche tunji neshirini meydan'gha chiqirishqa qatnashqan péshqedem alimlardin imin tursun, mirsultan osmanof we sabit rozi qatarliq üch neper mutexessisni teklip qilinip, uninggha yene zörür bolghan yash alimlarni qoshup bir guruppa teshkilligen.

"Diwan" ning Uyghurche yéngi neshri tékst, indéks we faksimil birlikte neshr qilin'ghan mukemmel nusxa boldi. "Diwan" ning yéngi neshri peqet 1000 nusxila bésip chiqirilghan bolup, tunji neshri 10 ming tirazh bolghan idi.
 
Nöwette, "türkiy tillar diwani" ning Uyghurche, in'glizche, türkche, özbékche we rusche nusxiliri bar bolup, bularning ichide Uyghurche, in'glizche we türkche nusxiliri bir qeder ilmiy hem süpetlik bolup hésablinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet