تۈركىيە ئىسرائىلىيىگە دىپلوماتىك مۇناسىۋەتنى ئۈزىدىغانلىقى ھەققىدە تەھدىت سالدى

• ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ
  2010-07-05

5 - ئاينىڭ 31 - كۈنى يۈز بەرگەن بۇ ۋەقەدە 8 نەپەر تۈركىيە پۇقراسى بىلەن بىر ئامېرىكا تەۋەلىكىدىكى تۈرك ئۆلگەن ئىدى. تۈركىيە مەتبۇئاتلىرىنىڭ دۈشەنبە كۈنى خەۋەر قىلىشىچە، داۋۇدئوغلۇ ئىسرائىلىيە، خەلقئارا تەكشۈرۈش كومىتېتىنىڭ ۋەقە ئۈستىدىن تەكشۈرۈش ئېلىپ بېرىشىنى قوبۇل قىلمىسا ۋە تۈركىيىدىن ئەپۇ سورىمىسا، ۋەزىيەتنىڭ تەرەققىياتى ئىسرائىلىيە بىلەن دىپلوماتىك مۇناسىۋەتنى ئۈزۈشكە ئېلىپ بارىدىغانلىقىنى بىلدۈرگەن.

لېكىن، ئىسرائىلىيە باش مىنىستىرى نېتانياخۇ ئۆتكەن جۈمە كۈنى ئىسرائىلىيىنىڭ تۈركىيىدىن ئەپۇ سورىمايدىغانلىقىنى ئېلان قىلغان ئىدى. نېتانياخۇ ئىسرائىلىيە دۆلەت تېلېۋىزىيىسىدە ئېلان قىلغان بۇ ھەقتىكى بايانىدا ئىسرائىلىيە ھۇجۇم ۋەقەسىدە ئۆلگەنلەرگە قايغۇرىدۇ. لېكىن ئىسرائىلىيە ئەپۇ سورىمايدۇ. چۈنكى ئىسرائىلىيە ئەسكەرلىرى زوراۋان ئۇنسۇرلار تەرىپىدىن ئۆلتۈرۈلۈشتىن ئۆزىنى قوغدىدى" دېگەن. نېتانياخۇ يەنە، تۈركىيىنىڭ ۋەقەدە ئۆلگەن 9 نەپەر تۈرك پۇقراسىغا تۆلەم تۆلەش تەلىپىنى رەت قىلغان.