Türkiye natogha eza memliketlerning jiddiy yighinini chaqirdi

Jüme küni türkiyining bir küreshchi ayropilani süriye armiyisi teripidin étip chüshürülgendin kéyin süriye krizisigha yéngi mezmun qoshuldi, yeni türkiye bu mesilige jiddiy qarap, süriyige qandaq heriket qollinish weziyiti shekillendi.
Muxbirimiz ümidwar
2012.06.24
Share on WhatsApp
Share on WhatsApp


B b s agéntliqining xewer qilishiche, yekshenbe küni türkiye hökümiti derhal shimaliy atlantik okyan ehdi teshkilatigha eza memliketlerning yighinini chaqirip, süriyige qandaq chare qollinish mesilisini muzakire qildi. Süriye türkiye ayropilanini héchqandaq agahlandurush bermestin étip chüshürüwetken bolup, süriye terep türkiye ayropilanining süriye tupriqigha kirgenlikini bildürgen. Bu munasiwet bilen enqere hökümiti bu ishni b dt bash katipi we xewpsizlik kéngishige uqturghan idi.

Nöwette, türkiyide süriyige zerbe bérish mesilisi heqqide ghulghulilar kétiwatqan bolup, hetta en'gliye hökümiti terepmu süriyining bu qilmishining kishi chidap turalmaydighan ish ikenliki, süriyining bu qilmishqa mes'ul bolushini bildürüp, bdt xewpsizlik kéngishide süriyige nisbeten qattiq bésim körsitidighanliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.