Uyghur élide, ' üch xil küchlerning jinayi qilmishlirini pash qilish' pa'aliyetliri kücheytilmekte

Xitay axbaratliri we biz igiligen melumatlargha qarighanda, qurban héyt we yéngi yilining aldi - keynide yerlik xitay hökümiti Uyghur élining her qaysi jaylirida "üch xil küchlerning jinayi qilmishlirini pash qilish" qatarliq teshwiq pa'aliyetlirini kücheytishke hemde adem tutushqa bashlighan.
Muxbirimiz jüme
2008.12.22

Radi'omiz igiligen melumatlargha qarighanda, bu jeryanda aqsu wilayiti shayar nahiyilik xitay hökümiti semet dawut, yasin qurban qatarliq yashlargha mexpiy sot échip türmige tashlighan bolsa,. Mamut ehmet semet toxti qatarliq yashlarni gumanliq unsur dégen namlar bilen tutup turmaqta iken.

"Shinjang amanliq tori" da körsitilishiche, bu nöwet shayar nahiyiside élip bériliwatqan "bölgünchilikke qarshi küreshni qayta teshwiq qilish we zorawan térrorchiliq qilmishlirini pash qilish" terbiyisini yéngi mehelle yézisida téximu keng qanat yaydurghan bolup, melum bolushiche, yuqirida tilgha élin'ghan yashlarning hemmisi dégidek shayar nahiyisi yéngi mehelle yézisidin iken.

Xewerlerdin ashkarilinishiche, bu xildiki teshwiqat pa'aliyiti aqto nahiyisidimu keng qanat yaydurulghan.

Uyghur élining bashqa jaylirida oxshash shekilde élip bériliwatqan "üch xil küchler we bölgünchilik " ke qarshi turush heriketliride yene qanchilik Uyghur yashlirining tutqun qilin'ghanliqi hazirche melum emes.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.