Üchturpan nahiyiside 'bölgünchilikke qarshi turushqa alaqidar qayta terbiyilesh pa'aliyiti' kücheytilmekte

Nöwette xitay hökümiti, Uyghur élining üchturpan nahiyiside "bölgünchilikke qarshi turushqa alaqidar qayta terbiyilesh pa'aliyiti" ni kücheytip élip bériwatqan bolup, shinjang amanliq torida körsitilishiche, üchturpan nahiyiside bu xil pa'aliyet "retlesh, anglash, qurush we özgertish" qatarliq töt tür boyiche qanat yaydurulghan.
Muxbirimiz jüme
2008-12-29
Share

Xewerde otturigha qoyulushiche, mezkur nahiye tewesidiki barliq asasi qatlamlardiki partkom we yachéykiliridin öz tewelikidiki yéza - bazar, kent we organlardiki muqimliqqa yoshurun tehdit körsitidighan amillar we bashqurushqa alaqidar ajiz nuqtilarni tépip chiqip, shuninggha qarita munasip tedbir belgilesh telep qilin'ghan.

Melum bolushiche, mezkur nahiye tewesidiki her derijilik partkom we partiye yachéykiliri, ammidin pikir élip, igiligen ehwallarni birlikte tehlil qilghandin kiyin, nahiyilik "bölgünchilikke qarshi turush boyiche qayta terbiyilesh ishxanisi "gha ehwal melum qilidiken.

Xitay hökümiti 2008 - yili kirgendin buyan, olimpik bixeterliki we bashqa seweblerni bahane qilip Uyghur élide basturush we cheklesh xaraktéridiki her xil bixeterlik tedbirlirini kücheytken bolup, bu xil cheklesh tedbirliri Uyghur kishilik hoquq teshkilatliri shundaqla amérika dölet mejlisi xitay ishlar komitétining yilliq doklatlirida tepsiliy otturigha qoyulghan hemde xelq'ara jem'iyetning diqqitini tartqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet