Ukra'inlar 1932 - yilidiki acharchiliqta ölgenlerni xatirilidi

Shenbe kün ukraniyilikler paytext kiyéw qatarliq sheherlerde 1932 - yilidiki zor acharchiliq weqesini eslep, bir yil din artuq dawamlashqan mezkur acharchiliqta ölgen bigunah kishilerni xatirilidi.
Muxbirimiz ümidwar
2012-11-25
Share


Amérika awazining xewer qilishiche, ukra'iniye hökümiti musteqil bolghandin kéyin, 1932 - yili, stalin rehberlikidiki sowét ittipaqi kompartiyisi merkiziy komitéti pütün ukra'iniye we bashqa jaylarda acharchiliq keltürüp chiqirip, milyonlighan kishilerning ülüshi keltürüp chiqarghan. Ukra'iniye prézidénti acharchiliqning 80 yilliqini xatirilep, bu weqeni ukra'in xelqining paji'esi dep körsetken. Buningdin ilgiri ukra'iniyide eshu acharchiliqni keltürüp chiqarghan kompartiye rehberlirini qaytidin sotlash mesilisi muhakime qilin'ghan idi.

1932 - 1933 - Yilidiki zor acharchiliq weqesi ukra'iniye, qazaqistan, qirghizistan qatarliq jumhuriyetlerdimu yüz bergen. Bu xil acharchiliq sowét kompartiyisi teripidin 1920 - 1923 - yillirimu bir qétim keltürüp chiqirilghan bolup, bu uzun jeryanda bir qanche milyon adem achliqtin ölgen. Qazaqistan we qirghizistandiki acharchiliqtimu nurghun qazaq, qirghiz,Uyghur we bashqa millet wekilliri achliqtin ölüp ketken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet