Washin'gtonda 5-iyul weqesining 3 yilliqini xatirilesh namayishi ötküzüldi

Namayishta aldi bilen dunya Uyghur qurultiyi re'isi rabiye qadir xanim söz qilip, xitayning 2009-yili 5-iyul künidiki namayishchilarni qanliq basturghanliqini qattiq eyiblidi, u sözide 5-iyul weqeside ölgen we yarilan'ghanlarni eslep ötüp, shéhit we mehbuslargha we ularning a'ile-tawabi'atlirigha hörmet bildürdi.

Namayishchilar namayish dawamida “Térrorsit xitay”, “Sherqi türkistan'gha azadliq!” qatarliq sho'arlarni towlap etrapni lerzige keltürdi. Namayish chüshtin kéyin sa'et 2din 4ke qeder dawamlashti. Namayishni radi'omiz, tor téléwiziyisi arqiliq 2 sa'et boyiche neq meydandin xewer qildi. Melum bolushiche, 5-iyul weqesining 3 yilliqini xatirilesh namayishi dunya Uyghur qurultiyining chaqiriqigha asasen élip bérilghan؛ bu chaqiriqqa asasen yene, aldimizdiki künlerde london, stokhulim, parizh, tokyo, oslu, milborin, torunto, istanbul qatarliq 18 sheherde ötküzülidu.