Ürümchide yawro - asiya yermenkisi bashlandi

2 - Séntebir küni ürümchi shehiride yawro - asiya yermenkisi daghdughiliq échilish murasimi bilen resmiy bashlandi. Bu qétimqisi yawro - asiya yermenkisining 2 - qétimliqi bolup, xitay uchur menbeliride éytilishiche, xitay merkizi hökümiti yawro - asiya yermenkisige alahide ehmiyet bergenliki üchün xitay bash ministiri wén jabaw ürümchige kélip, yighinning échilish murasimida söz qilghan.
Muxbirimiz ümidwar
2012-09-02
Share


Shinxu'aning yézishiche, wén jabaw échilish murasimida sözligen sözide muqim tinch weziyetni qoghdashning zörürlikini alahide tekitligen hemde "Shinjangning xitayning yawro - asiyadiki her qaysi döletliri bilen, bolupmu qoshna döletler bilen bolghan öz'ara paydiliq hemkarliq munasiwetliridiki köwrük" ikenlikini eskertken.

Yawro - asiya yermenkisining échilish murasimigha peqet ottura asiyadiki bir qanche memliketlerdin bashqa memliketler yuqiri derijilik dölet rehberlirini ewetmigen. Peqet qirghizistan prézidénti almasbék atanbayéf yighin'gha qatnashqan eng yuqiri derijilik chet'el rehbiridur.

Yighinda atanbayéf we tajikistan bash ministiri aqilof, qazaqistan bash ministiri kerim mesimof qatarliqlar söz qilghan.

Xewerlerdin melum bolushiche, ürümchi yermenkisi jeryanida ürümchi shehiride bixeterlik we nazaret qilish xizmetlirini kücheytken bolup, xitay jama'et xewpsizlik ministirlikining térrorizmgha qarshi turush merkizining mes'ulliridin li wéy qatarliqlar alahide ürümchige kélip, bixeterlikni qoghdash ehwallirini tekshürgen hem yétekchilik qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.