' بىڭتۇەن ' دېگەن ھەربىي تەشكىلات 30 يىلدىن بۇيان ئۆزىنى پەدەزلەپ شەكىل ئۆزگەرتمەكتە

شىنخۇا ئاگېنتلىقىنىڭ تۈنۈگۈن'شىجاڭ خەۋەر تورى' دا ئېلان قىلغان بىر ماقالىسى، 'بىڭتۇەن' دەپ ئاتىلىپ كېلىۋاتقان بۇ ھەبىي تەشكىلاتنىڭ 30 يىلدىن بۇيان ئۆزىنى پەدەزلەپ شەكىل ئۆزگەرتىۋاتقانلىقىنى ئاشكارىلاپ قويدى.
ﻣﯘﺧﺒﯩﺮﯨﻤﯩﺰ ﯞﻩﻟﻰ
2008-12-03
Share

ئۇنىڭدا بايان قىلىنىشىچە، خىتاي ئازادلىق ئارمىيىسىنىڭ شىنجاڭ ئىشلەپچىقىرىش - قۇرۇلۇش بىڭتۇەنى ئەسلىدە خىتاي مەركىزى ھۆكۈمىتىنىڭ پىلانىدىكى پارتىيە، مەمۇرى ۋە ھەربىيدىن ئىبارەت ئۈچتە بىرلىككە كەلتۈرۈلگەن ئالاھىدە تەشكىلات ئىدى.

30 يىلدىن بۇيان 2 مىليون 500 مىڭ نوپۇسى بار دەپ ئېيتىلىۋاتقان بۇ ھەربىي تەشكىلات ئىگەللىۋالغان زىمىنلاردا كاتتا شەھەرلەر بىنا قىلىنىپ بولدى. بىڭتۇەننىڭ تۇمشۇقتىكى بىر شەھىرىدىلا 140 مىڭ مولۇق مېۋىلىك باغ بار.

چەتئەللەرگە چىقىدىغان چېگرىدىكى 5 چوڭ قۇۋۇق ئۇنىڭغا تەۋە. ئۇيغۇر ئاپتونوم رايونىدىكى سۇ مەنبەلىرى ۋە كان بايلىقلىرىنىڭ كۆپىنچىسى بىڭتۇەننىڭ كونتروللىقىدا. ئۇنىڭ زاۋۇتلىرىدا ئىشلەنگەن دورا مەھسۇلاتلىرى، خېمىيىۋىي ئوغۇتلار ۋە باشقىلار ئۇيغۇر ئاپتونوم رايونىنىڭ بازارلىرىنى پۈتۈنلەي ئىگەللەپ بولدى.

خەۋەردە تەسۋىرلىنىشىچە، خىتاي كوممۇنىست پارتىيىسى ئۇيغۇر يۇرتلىرىدا قۇرۇپ چىققان بۇ 'ھەربىي ئاۋىئاماتكا' غا ھازىر 'بازار ئىگىلىكى' دېگەن تامغا بېسىلدى.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت