Uyghur élining tashqi sodisi 18 milyard dollardin ashti

Xitay hökümiti Uyghur élini pütün memliket boyiche xelq'araliq toshush liniyiliri eng köp we eng uzun jaygha aylandurghan bolup, nöwette, 105 xelq'araliq toshush liniyisi Uyghur éli bilen chet ellerni hem bashqa jaylarni soda jehettin baghlap turmaqta. Xitay hökümiti Uyghur éling etrapidiki 8 döletke 29 éghiz échip éksport - import pa'aliyiti élip barmaqta.
Muxbirimiz ümidwar
2008-11-30
Share

Shinxu'aning xewer qilishiche, Uyghur aptonom rayonining 2008 - yilliq éksport - import omumi miqdari 18 milyard 200 milyon dollardin ashqan bolup, buning ichide peqet éksport sommisila 15 milyard 500 milyon dollardin ashqan. Qazaqistan, qirghizistan, rusiye, özbékistan Uyghur diyarining aldinqi besh soda shérikidur. Qazaqistan bolsa, xitayning ottura asiyadiki eng chong soda shérikige aylan'ghan.

Xitay hökümiti Uyghur diyarining jughrapiyilik ewzellikidin paydilinip, bu rayonni muhim xelq'araliq soda nuqtisi qilishni pilanlighanliqi üchün nöwette, xitayning ichkiridiki zawut fabrikilar, shirketler köplep Uyghur diyarigha kélip, makanlishish hemde bu jayning ewzellikidin paydilinishni kücheytmekte.

Xitay hökümiti yene Uyghur diyarini wasite qilip, ottura asiyaning tebi'iy gazliri we néfitlirini import qilishni kücheytken bolup, bu arqiliq junggoning énérgiye éhtiyajini hel qilishni muddi'a qilghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet