خىتاي، غەربنىڭ گازىنى شەرىققە يۆتكەش 3 - تۇرۇبا لىنىيىسى قۇرۇلۇشىنى بۇ يىل باشلايدىكەن

خىتاي مۇناسىۋەتلىك دائىرىلىرى غەربنىڭ گازىنى شەرىققە يۆتكەش 3 - تۇرۇبا لىنىيىسى قۇرۇلۇشىنى بۇ يىل باشلايدىكەن. شىنخۇا ئاگېنتلىقىدا كۆرسىتىشىچە، بۇ ھەقتىكى خەۋەرلەر 1 - ئاپرېل ئۇيغۇر ئېلىدە چاقىرىلغان نېفىت -خىمىيە سانائىتى يىغىنىدا ئاشكارىلانغان. مەلۇم بولۇشىچە، مەزكۇر تۇرۇبا لىنىيىسىنىڭ غەربىي بۆلىكى 2014 - يىلى پۈتۈپ ئىشقا كىرىشتۈرۈلىدىكەن.
ﻣﯘﺧﺒﯩﺮﯨﻤﯩﺰ ﺟﯘﻣﻪ
2010-04-03
Share

خەۋەردە مەزكۇر تۇرۇبا لىنىيىسىنىڭ" شىنجاڭ ئېنېرگىيە چوڭ تونىلى ئىچىدىكى ئەڭ مۇھىم تۇرۇبا لىنىيىسىگە" ئايلىنىدىغانلىقى كۆرسىتىلگەن. غەربنىڭ گازىنى شەرىققە يۆتكەش 3 - تۇرۇبا لىنىيىسى ئۇيغۇر ئېلىنىڭ قورغاس ناھىيىسىدىن باشلىنىپ، شەرقتە خىتاينىڭ گۇاڭدۇڭ ئۆلكىسى شياۋگۇەن شەھىرىگە تۇتاشتۇرىلىدىكەن.

ئاشكارىلىنىشىچە، غەربنىڭ گازىنى شەرققە يۆتكەش 3 - لىنىيىسى ئاساسلىقى ئوتتۇرا ئاسىيا گازلىرىنى خىتايغا يۆتكەش ئۈچۈن ئىشلىتىلىدىكەن. ئىگىلىنىشىچە، مەزكۇر تۇرۇبا لىنىيىسىنىڭ قورغاس - نىڭشيا بۆلىكىدە قۇرۇلۇش باشلانغان بولۇپ، بۇ بۆلەك 2012 - يىلى ئىشقا كىرىشتۈرۈلىدىكەن. قالغان قىسمى 2014 - يىلىغىچە ئىشقا كىرىشتۈرۈلۈپ بولىدىكەن.

خىتاي كۈنسايىن ئېشىپ بېرىۋاتقان ئېنېرگىيە ئېھتىياجىنى قاندۇرۇش ئۈچۈن ھەر تەرەپلىمە تەدبىرلەرنى ئالماقتا. خىتاي 2004 - يىلى غەربنىڭ گازنى شەرققە يۆتكەش تۇرۇبا بىرىنچى لىنىيىسىنى تاماملاپ تارىم نېفىتلىكى تەبىئىي گازلىرىنى خاتايىڭ شاڭخەي ئۆلكىسىگە توشۇشنى باشلىغان. جۇڭغار ئويمانلىقى نېفىتلىكىدىن باشلىنىدىغان غەربنىڭ گازىنى شەرققە يۆتكەش 2 - لىنىيىسى ئۆتكەن يىلى يىل ئاخىرىدا ئىشقا كىرىشتۈرۈلگەن ئىدى.

مەلۇم بولۇشىچە، خىتاي يەنە غەربنىڭ گازىنى شەرققە يۆتكەش 4 - لىنىيىسىنى قۇرۇلۇش پىلانىغا كىرگۈزگەن.


پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت