Xitay, gherbning gazini sheriqqe yötkesh 3 - turuba liniyisi qurulushini bu yil bashlaydiken

Xitay munasiwetlik da'iriliri gherbning gazini sheriqqe yötkesh 3 - turuba liniyisi qurulushini bu yil bashlaydiken. Shinxu'a agéntliqida körsitishiche, bu heqtiki xewerler 1 - aprél Uyghur élide chaqirilghan néfit -ximiye sana'iti yighinida ashkarilan'ghan. Melum bolushiche, mezkur turuba liniyisining gherbiy böliki 2014 - yili pütüp ishqa kirishtürülidiken.
Muxbirimiz jume
2010-04-03
Share

Xewerde mezkur turuba liniyisining" shinjang énérgiye chong tonili ichidiki eng muhim turuba liniyisige" aylinidighanliqi körsitilgen. Gherbning gazini sheriqqe yötkesh 3 - turuba liniyisi Uyghur élining qorghas nahiyisidin bashlinip, sherqte xitayning gu'angdung ölkisi shyawgu'en shehirige tutashturilidiken.

Ashkarilinishiche, gherbning gazini sherqqe yötkesh 3 - liniyisi asasliqi ottura asiya gazlirini xitaygha yötkesh üchün ishlitilidiken. Igilinishiche, mezkur turuba liniyisining qorghas - ningshya bölikide qurulush bashlan'ghan bolup, bu bölek 2012 - yili ishqa kirishtürülidiken. Qalghan qismi 2014 - yilighiche ishqa kirishtürülüp bolidiken.

Xitay künsayin éship bériwatqan énérgiye éhtiyajini qandurush üchün her tereplime tedbirlerni almaqta. Xitay 2004 - yili gherbning gazni sherqqe yötkesh turuba birinchi liniyisini tamamlap tarim néfitliki tebi'iy gazlirini xataying shangxey ölkisige toshushni bashlighan. Jungghar oymanliqi néfitlikidin bashlinidighan gherbning gazini sherqqe yötkesh 2 - liniyisi ötken yili yil axirida ishqa kirishtürülgen idi.

Melum bolushiche, xitay yene gherbning gazini sherqqe yötkesh 4 - liniyisini qurulush pilanigha kirgüzgen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet