Уйғур елиниң җуңғар ойманлиқидин йәнә зор миқдарда тәбиий газ записи байқалди

Уйғур елиниң җуңғар ойманлиқидин йәнә зор көләмлик тәбиий газлиқ байқалған болуп, тәңритағ ториниң көрситишичә, мәзкур газлиқтин нөвәттә байқалған тәбиий газ йүз милярд куб метирдин көп, омумий запас миқдари 200 милярд куп метир икән.
Мухбиримиз җүмә
2008-12-15
Share

Хәвәрдә оттуриға қоюлушичә, мәзкур газлиқни хитай дөләт игидарчилиқидики җуңго нефит вә тәбиий газ һәссидарлиқ ширкити қармиқидики шинҗаң нефит бурғилап тәкшүрүш ширкити байқиған.

Мәлум болушичә, мәзкур тәбиий газлиқ мәзкур ширкәт тунҗи қетим байқиған 100 милярд куб метирлиқ тәбиий газлиқ болуп, әң аз дегәндиму 50 йил газ ишләпчиқарғили болидикән.

Санлиқ мәлуматларға қариғанда, җуңғар ойманлиқида җәмий 2.5 Тирилйон куб метир тәбиий газ записи бар болуп, нөвәттә буниңдин пәқәт 10 пирсәнтила байқалған.

Уйғур елидики нефит вә тәбиий газлиқларниң көпинчисини хитайниң дөләт игидарчилиқидики җуңго нефит вә тәбиий газ һәссидарлиқ ширкити контрол қилидиған болуп, җуңғар нефитлики мәзкур ширкәт мәбләғ селип ясап чиққан "ғәрбниң газини шәрққә йөткәш туруба линийиси" ниң муһим газ тәминләш түгүнлиридин бири.

Хитай тәбиий байлиқ учурлири торида көрситилишичә, өткән йилида шинҗаң нефит ширкити җуңғар нефитликидин 2 милярд 900 милйон куб метир тәбиий газ ишләпчиқарған болса 2015 - йилиға барғанда йиллиқ ишләпчиқириш нисбитини 10 милярд куб метирға йәткүзмәкчи.

Һалбуки, мәзкур газлиқтин қезиливатқан тәбиий газлар "ғәрбниң газини шәрққә йөткәш туруба линийиси" билән биваситә хитай шәһәрлиригә тошуп кетилидиған болуп, бу газлардин келидиған иқтисади киримдин йәрлик хәлққә қанчилик нәп тегидиғанлиқи техи мәлум әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт