Bezi nahiyilerde Uyghurlargha chet'el muxbirlirini qobul qilmasliq belgilimisi chiqardi

Dunya Uyghur qurultiyining bayanatchisi dilshat rishitning bügün radi'omizning xitayche bölümige melum qilishiche, Uyghur élining toqquzaq, peyziwat we poskam nahiyiliride, ahalilerning chet'el muxbirlirining ziyaritini qobul qilishi cheklen'gen.
Muxbirimiz shohret hoshur
2010.06.15
Share on WhatsApp
Share on WhatsApp

Uqturushta yene, ahaliler öz béshimchiliq bilen chet'el muxbirining ziyaritini qobul qilsa jawabkarliqi sürüshte qilinidighanliqi bildürülgen. Xitay hökümiti hazirgha qeder köp hallarda xelq'ara jama'et pikrige perwa qilmay kelgen؛ yuqiriqi uqturushtin qarighanda, xitayning xelq'aradiki tenqidiy pikirlerdin bi'aram boluwatqanliqi melum bolmaqta.

Dilshat rishit bu weqege alaqidar bayanatida yene, Uyghur élidiki bezi wilayet we idare, jem'iyetlerde chet'el muxbirlirining so'allirigha jawab béridighan mexsus bayanatchi békitkenliki bildürülgen.

Közetküchilerning qarishiche, xitay belgiligen bayanatchining heqiqiy ehwalni bayan qilmasliqi we hetta hökümetning menpe'etige uyghun shekilde melumatlar bérishi éhtimalgha köp yéqin؛ emma u yene, héchqandaq jawab qayturmasliqqa nisbeten éytqanda rayon weziyitining ashkarilinishi üchün paydiliqtur.

Xitayning muxbir qobul qilmasliq heqqidiki bu belgilimisi, shawgüen weqesining bir yilliqigha birqanche kün, 5 ‏- iyul weqesining bir yilliqigha 10 nechche kün qalghan waqitqa toghra kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.